O‘zbekistonda talabalarga poyezd chiptalari uchun 50 foizli chegirma e’lon qilindi.

“O‘ztemiryo‘lyo‘lovchi” OTM talabalariga qishki ta’til mobaynida mahalliy yo‘nalishdagi qatnovlar uchun 50 foizli chegirma e’lon qildi.

Chegirmalar 25-dekabrdan 7-yanvargacha (SV/VIP klass vagonlaridan va yuqori tezlikda harakatlanuvchi “Afrosiyob” elektropoyezdidan tashqari) amal qiladi.

Chiptalarni sotib olish uchun pasport bilan temiryo‘l kassalariga tashrif buyurish yoki elektron tarzda chipta xarid qilishda “eticket.railway.uz” saytidan foydalanish mumkin.

Bundan avval Uzbekistan Airways o‘rta maxsus, kasb-hunar va oliy ta’lim muassasalari talabalari uchun 23-dekabrdan 2024-yil 7-yanvarigacha amalga oshiriladigan mahaliy yo‘nalishlar aviqatnovlar uchun 50 foizli chegirma e’lon qilgandi.